Машката ракометна репрезентација загуби од Египет попладнево во полуфиналето на Медитеранските игри, па сега останува борбата за утешниот бронзен медал.
Египет важеше за фаворит и од самиот почеток го зеде водството кое до крај во ниту еден момент не го испушти. Во првиот дел водеше со највисоки +7 (16:9), а на пауза се замина со 16:10.
Во вториот дел предноста почна да се зголемува, па се дојде и до +10 голови разлика. На крајот Египѓаните славеа со високи 34:20.
Со овој пораз Македонија сепак ќе има шанса за медал бидејќи ќе се бори за бронзата против поразениот од дуелот на Шпанија и Србија кој се игра денеска од 19 часот. Натпреварот за бронзениот медал е закажан за в среда од 11:30 часот.
Египет во финалето ќе игра исто в среда, но од 16:30.
Ракометарките Медитеранските игри ги завршија на 7. место откако утринава беа подобри од домаќинот Алжир во разигрувањето победувајќи со 31:23. Воедно ова е и прва победа за Македонките на турнирот.