Македонската машка ракометна репрезентација вечерва во СЦ „Борис Трајковски“ не успеа да ја искористи предноста на домашната публика и со 23:29 загуби од Португалија.
По почетниот гол за 1:0 за Македонија, Португалците го презедоа водството, едно време поведоа и со +4, а на пауза се замина со 14:11 за гостите.
По паузата Македонците истрчаа помотивирани и успеаја да ја стопат негативата. Прво израмнија на 19:19, а потоа конечно дојдоа и во водство (20:19). По тајм-аутот на гостинскиот селектор, Португалија со 4 гола во низа го врати водството.
Толку траеше налетот на домашните ракометари бидејќи до крајот гостите го одржуваа водството, кое се движеше од 2 до 4 голови разлика. На крајот поразот беше убедлив со 6 гола разлика (23:29).
Во нашиот табор најефикасен беа Филип Кузмановски и Мартин Серафимов со по 5 погодоци, додека убедливо најдобар на паркетот беше Антониу Ареја со 10 голови од исто толку удари.
Кај голамните, Мартин Томовски имаше 25% успешност со одбранети 5 од 20 удари, а Никола Митревски имаше 17,65% со 3 од 17. Густаву Капдевил одбрани 8 удари од 20 за 40% успешност.
Македонија и Португалија веќе в недела повторно ќе се сретнат, овој пат на португалско тло, со почеток од 18:30 часот.
Во другиот натпревар од нашата група, кој се одигра синоќа, Турција по голема борба славеше како гостин против Луксембург со тесни 29:30 (10:14).
Табела по 3. коло:
- Португалија 6
- Македонија 4
- Турција 2
- Луксембург 0
