Женската ракометна репрезентација на Македонија вечерва ќе го одигра вториот натпревар на Европското првенство.
Македонија во првото коло доживеа убедлив пораз од фаворизираната Шведска, додека Турција со 6 голови разлика загуби од Унгарија.
Пред дуелот владее умерен оптимизам во таборот на нашата селекција. Селекторот Грчевски е убеден дека Македонија ќе избори позитивен резултат доколку на минимум ги сведе техничките грешки, кои против Шведска ги имаше премногу и доколку против Турција девојките одиграат како во последните 15 минути од дуелот со Швеѓанките.
Натпреварот Македонија-Туција ќе започне во 20:30 часот, а директен пренос ќе има на ArenaSport 2. Претходно во нашата групата од 18 часот дербито ќе го одиграат кодомаќинот Унгарија и Шведска.
