Македонските ракометарки загубија од Црна Гора со 21-27 (12-13), во претпоследното коло во Групата 4, во квалификациите за пласман на Европското првенство во Шведска.
Избраничките на селекторот Симевски им пружија достоен отпор на фаворизираните противнички, а на крајот пресуди квалитетот на Црногорките, односно неискуството на младите македонски ракометарки.
Два лоши периода во првото и второто полувреме ја однесоа македонската репрезентација во пораз. Во првиот дел во последната третина од полувремето, избраничките на Симевски девет минути не постигнаа гол, поради што на полувреме не заминаа со предност, додека во второто полувреме имаа празен од цели 13 минути, односно од 47 минута и водството 20-17, тие до крајот на мечот постигнаа само еден гол и тоа на 30 секунди до истекот на времето.
Македонија на коло до крајот е последна во групата без освоен бод, Црна Гора е лидер со осум бодови, два повеќе од Словенија и Хрватска. Квалификациите за пласман на ЕП македонските ракометарки ќе ги завршат на 5 јуни кога ќе гостуваа во Хрватска.
