Претседателот на Француската ракометна федерација (ФФХБ) Бруно Мартини (52) се соочува со обвиненија за сексуална експлоатација на малолетници и снимање детска порнографија.
Бруно Мартини, кој освои две светски првенства како голман за време на неговата играчка кариера, беше испрашуван од полицијата во понеделникот и вторникот пред да му биде дозволено да си оди дома бидејќи неговиот случај беше префрлен во категорија „по итна постапка“, откако ги призна обвиненијата за кои се товари.
Истрагата против Мартини беше покрената во 2020 година кога тогаш 13-годишно момче го обвини за сексуална експлоатација, а Мартини се бранеше тврдејќи дека верувал дека момчето е постаро од 15 години, што е возраст во Франција на која лицата можат согласност за вклучување во сексуални односи.
LNX соопшти дека оставката на Мартини е „веројатна и пожелна“.
„До дополнително известување, потпретседателот Давид Тебиб ќе ја претставува федерацијата“, соопшти ФФХБ.
Ова е веќе втора истрага покрената против шеф на трофејна француска спортска федерација за сексуално вознемирување во последно време: неодамна и претседателот на Француската фудбалска федерација (ФФФ) Ноел Ле Грает беше обвинет за сексуално вознемирување на жени вработени во федерацијата. Тој ги негира тие обвинувања.