Шпанскиот дефанзивец Серхио Рамос ќе го напушти Пари Сен-Жермен и нема да потпише нов договор, а денеска ќе го одигра последниот натпревар за оваа екипа.
Рамос како слободен играч ќе бара нов клуб за кој ќе игра, а претходно се споменуваше дека би можел да замине и во Саудиска Арабија и кариерата да ја продолжи во некој од тамошните богати клубови. Според Фабрицио Романо, тој ќе донесе одлука наскоро, по договор со семејството.
На својот Instagram профил напиша проштална порака.
„Утре ќе биде посебен ден, утре ќе се збогувам со втората фаза од мојот живот. Збогум ПСЖ. Не знам на колку места можете да се чувствувате како дома, но без сомнение, за мене ПСЖ и неговите навивачи беа едни од тие места“, напиша Рамос и продолжи:
„Ви благодарам за двете посебни години во кои играв за вас и дадов се од себе. Одам на нови предизвици, ќе носам поинаков дрес, но прв и последен пат: АлезПари!“, заврши Шпанецот.
Вкупно, Рамос одигра 57 натпревари во дресот на ПСЖ, постигна 5 гола и забележа една асистенција. Кога дојде во Парис долго време беше повреден, што се одрази на бројот на настапи.
Со овој клуб освои две титули во Лиг 1 и еден Суперкуп на Франција. ПСЖ вечерва ќе ја заврши сезоната со дуел против Клермон на домашен терен (21 ч.), а претходно ја завери шампионската титула. Клубот ќе го напушти и Лионел Меси.
