Симптомите се појавуваат подеднакво и кај двата пола, поради тоа се советува да ги следите сигналите кои ви ги испраќа вашето тело, препознајте ги на време и обратете му се на вашиот доктор за преглед и превенција.
Болка која се шири кон раката
Многу мажи чувствуваат болки во левата рака, додека кај жените болката се јавува во двете раце. Некои жени истакнаа дека чувствувале болка во лактите пред да добијат срцев удар. Ова се случува, бидејќи болката од вашето срце патува во ‘рбетниот мозок, каде се поврзани многу нерви на нашето тело, а мозокот е збунет и мисли дека болката доаѓа од рацете, што не е случај.
Константна кашлица
Кашлицата може да предизвика различни проблеми, но исто така може да биде знак за кардиоваскуларни заболувања. Константна кашлица која произведува розова течност која содржи крв, е многу честа појава при застој на работата на срцето.
Отечени нозе и стапала
Кога вашето срце не работи како што треба, течноста од вашите крвни садови протекува во околните ткива, а вашите нозе најчесто страдаат во таа ситуација, едноставно поради гравитацијата. Тоа се нарекува периферен едем и го имаат многу луѓе кои и немаат проблеми со срцето. Меѓутоа, тоа е многу вообичаен симптом кај пациентите со срцеви болести и би требало да му посветите внимание.
Недостаток на апетит и мачнина
Многу пациенти кои страдаат од болести на срцето, имаат недостаток на апетит и чувство на мачнина, дури и кога ќе изедат само неколку залчиња. Причината за тоа лежи во собирањето на течности околу црниот дроб и цревата, кои го попречуваат варењето. Овие симптоми обично се проследени со болка во стомакот, и доколку сите овие симптоми ги чувствувате заедно, потребно е да го посетите својот доктор.
Губење на свест
Губењето на свест е многу честа појава кај луѓето кои имаат проблеми со срцето. Кога срцето не пумпа доволно крв, причината лежи во тоа што протокот на крвта е блокиран од затворените артерии. Ако не можете да дишите правилно или се онесвестувате за кратко време, веднаш повикајте доктор и проверете си го срцето.