Расел дисквалификуван, Хамилтон победи во Спа Франкошамп

ФИА му ја одзеде победата на возачот на Мерцедес Џорџ Расел. Британецот, со брилијантна стратегија прв мина низ целта на Големата награда на Белгија пред тимскиот колега Луис Хамилтон и возачот на Мекларен, Оскар Пјастри.

На Расел победата му е одземена бидејќи неговиот болид беше за 1 и пол килограм полесен од дозволеното. По дисквалификацијата на Расел, триумфот му припадна на Луис Хамилтон, кој ја оствари 105-тата победа во кариерата.

Иако Расел ја возеше трката на неговата кариера, прекршувањето на прописите кои бараат минимална тежина од 796,5 килограми го остави без втората победа сезонава, а трета во кариерата.

„Срцепарателно… Сме биле со 1,5 кг полесни и сме дисквалификувани од трката. Денеска го оставивме сѐ на патеката и се гордеам што прв ја поминав линијата. Ќе има уште“, напиша Расел.

Наместо тоа, седумкратниот светски шампион дополнително го подобри сопствениот рекорд.

Шарл Леклер од Ферари се искачи на подиумот како трет.

Пред летната пауза во генералниот поредок води Макс Верстапен со 275 бодови, а го следи Норис со 197.

Кај конструкторите води Ред Бул, пред Мекларен и Ферари.

Следната трка од овогодинешниот шампионат во Формула 1 е Големата награда на Холандија, во Зандворт од 23 до 25 август.