Институтот за наука, алтернатива, култура и уметност од Скопје денеска распиша конкурс за млади писатели за песни, раскази и есеи на тема Скопје.
Сите песни, раскази и есеи треба да имаат свои посебни авторски наслови. На конкурсот може да учествуваат автори од целата држава, но да не се постари од 35 години и секој може да испрати неограничен број свои творби за сите три жанрови.
Творбите треба да бидат потпишани со името и презимето на авторот, годините на возраста, адресата и мејлот. Конкурсот е отворен до 15 мај, а творбите треба да се испраќаат на info@inaku.mk.
Од сите пристигнати творби ќе биде направен избор на најдобрите творби и тие ќе бидат објавени во книгата „Млади писатели“.
