Расте бројот на жртвите од експлозијата што се случи во метро во Санкт Петербург. Во ужасниот напад се загинати 12 лица, уште две тела се пронајдени на станицата каде возот застанал. Осум тела имало во вагонот, а други две тела се пронајдени во тунелот, каде што всушност се случила експлозијата.
Се прецизира дека имало само една експлозија, а не две како што претходно јавуваа руските медиуми. Според очевидци не станува збор за експлозија од граната, туку експлозивната направа оставена во ранец.
Според мислењето на руски експерт добро е што експлозијата се случила околу пладне, бидејќи ако била навечер ќе имало многу повеќе жртви.
Во моментов се знае дека покрај 12-те загинати има и над 50 повредени. Станицата е евакуирана, а сообраќајот во градот се уште не функционира нормално.
Претседателот Владимир Путин изјави дека сите служби се мобилизирани и работат на сите верзии во врска со ужасниот инцидент. На местото на несреќата работат специјалисти по експлозиите од Федералната служба за безбедност (ФСБ), како и инспектори.