Азербејџански генерал и полковник загинаа во судирите на границата меѓу Азербејџан и Ерменија, а од ерменска страна загинаа околу 100 војници, информира заменик министерот за одбрана на Азербејџан, Керим Велиев.
Велиев рече дека за време на дводневните борби, азербејџанската армија „елиминирала до 100 непријателски војници“, како и голема количина тешко оружје и моторни возила. Тој додаде дека се уништени и голем број „важни објекти“.
Азербејџанските власти потврдија дека вкупно 5 нивни воени лица загинаа, а петмина се повредени.
Ерменскиот премиер Никол Пашинјан ги демантраше изјавите на спротивната страна дека стотина ерменски војници се убиени наведувајќи дека нема ниту еден загинат, туку 5 повредени.
Конфликтот меѓу двете земји, кој трае од 1988 година поради спорот околу регионот Нагорно-Карабах, ескалираше во неделата, кога азербејџанското Министерство за одбрана објави дека ерменската страна гранатирала позиции на земјата на границата. Во Нагорно-Карабах живеат етнички Ерменци, но е под контрола на Азербејџан. Жителите сакаат обединување со Ерменија, а во 1991 година прогласија независност како Република Арцах. Досега ниту една држава освен Ерменија ја нема признаено независноста, освен осумте американски сојузни држави Калифорнија, Хаваи, Џорџија, Мичиген, Луизијана, Род Ајленд, Масачусец и Мејн, како и австралиската сојузна држава Нов Јужен Велс.
