Премиерата на компјутерски анимираната авантура „Raya and the Last Dragon“ заработи солидни 8.6 милиони долари во текот на изминатиот викенд. На глобално ниво, филмот заработи 26 милиони долари со најголеми заработки во Кина и во Русија.
Во вториот викенд од прикажување, филмот „Tom & Jerry“ заработи 6.6 милиони долари. На третото место се најде „Chaos Walking“ со заработка од 3.8 милиони долари.
Меѓу првите пет филмови со највисока заработка изминатиот викенд се најде и „Boogie“, со 1.2 милиони долари.
На петтото место е „The Croods: A New Age“ со заработка од 780.000 долари.
Со оглед на вакцинацијата во САД, киносалите во Чикаго, Портланд и Њујорк Сити полека се отвораат.
Повеќето од нив се отворени со редуциран капацитет, а изгледа уште долго време ќе биде потребно филмската индустрија да закрепне.