Италијанскиот сенатор повторно се најде во центарот на вниманието со една од неговите изјави, овојпат зборувајќи за проблемите кои ги има Северна Кореја.
Познатиот навивач на Јувентус и огромен фан на Пауло Дибала го искажа својот генијален план со кој ќе ја спречи константната криза низ која поминува Северна Кореја.
„Сакам да го однесам Пауло Дибала во Северна Кореја, а истото така сакам таму да отидам со музичката група Il Volo“, изјави Рази.
Сенаторот смета дека тоа би било одлична забава за Ким Јонг Ун, бидејќи тој е голем фан на италијанската Серија А.
„Знам дека Ким Јонг Ун е голем љубител на спортот и музиката, па затоа пробувам да го вклучам Дибала во сето ова. Ако успеам да го однесам таму, ќе има 200.000 гледачи на стадионот. Тоа би донело забава за целата нација“, додаде Рази.