Пред неколку дена пилотот Дастин Магард објави неверојатна сцена која ја снимил од својот авион додека летал над Тихиот Океан.
Под него, среде никаде, се појавиле светлоцрвени светла, а не долго потоа луѓето на социјалните мрежи почнаа да шпекулираат. Некои тврдат дека се работи за вонземјани, други дека се работи за вулкани, но точниот одговор на крајот го дде експертот за временски прилики, Нил Џејкобс.
Тој рече дека прво мислеле дека е воена вежба и се шегувале, но на крајот не биле ни малите „зелени“, односно „црвените“, ниту пак воена вежба, туку дека станува збор за обични рибарски чамци.
Рибарите често користат LED светилки бидејќи тие привлекуваат риби, а дека навистина станува збор за рибарски чамци потврдиле на веб-страницата Global Fishing Watch, која дури ги навела имињата на чамците што биле таму. Инаку, светлата понекогаш знаат да бидат толку силни што може да се видат и од Меѓународната вселенска станица.