Кинеската инфлуенсерка Лиса Ли има над 1,1 милиони обожаватели на кои им го презентира нејзиниот гламурозен живот, но колку од тоа е вистина покажува видеото објавено од сопственичката на станот во кој живее девојката.
Налутената жена, позната како госпоѓа Чен, снимила ужасни сцени во станот каде Лиса живеела, во нечистотија. Всушност, Лиса живеела во стан пренатрупан со ѓубре, мувлосана храна и кучешки фекалии. Налутената газдарица, бесна што девојката го довела станот во ужасна состојба, одлучи да го сними, а снимката ја објави на интернет.
Видеото стана вирално бидејќи милиони луѓе ги видоа доказите за двојниот живот на инфлуенсерката која промовира гламур на интернет, а дома не зела правосмукалка во раце.
Сопственичката вели дека од компанијата ангажирана за чистење одбиле да го исчистат станот, а Лиса ѝ останала должна. Вели дека не може да поверува дека толку убава жена може да живее во вакви одвратни услови.
По критиките во јавноста, Лиса Ли вети дека ќе го исчисти станот, а средбата со госпоѓата ја сними и ја објави на интернет.
