Во текот на средбата меѓу рускиот претседател Владимир Путин и група студени од Уралскиот федерален универзитет во Екатеринбург, една студентка се онесвести.
Кога рускиот претседател почна да одговара на прашање поставено од студентка од Кина, забележа дека една девојка падна во несвест, пренесува Sputnik.
„Ве молам помогнете ѝ на девојката. Полека кренете ја, викнете доктор“, неколку пати рече Путин.
Девојката беше изнесена од салата, а зад неа одеше потпретседателката на Владата на Русија, задолжена за прашања од социјална политика, Татјана Голикова.