Тимовите на Реал Мадрид, Баерн и Интер се договорија да организираат пријателски турнир таканаречен Куп на солидарноста со кој сакаат финанскиски да им помогнат на медицинските уставени погодени од борбата со коронавирусот.
Купот би се играл секој против секого и тоа на три различни стадиони. Интер - Баерн би се играло на „Меаца“ во Милано, Реал - Интер на „Бернабеу“ во Мадрид, додека Баерн - Реал на „Луи II“ во Монако.
Датумот на одигрување на турнирот останува дополнително да се одреди, но она што е сигурно е дека ќе се игра во 2021 година и тоа кога ќе биде дозволено присуство на публика.
Целиот профит од ТВ-правата и од влезниците ќе биде дониран во медицинските установи во Италија и Шпанија, двете европски земји кои претрпеа најголеми штети од пандемијата со коронавирусот.
