Третиот дрес на „Кралевите“ е со црно-сива комбинација со розев тон и го симболизира градот.
Капитенот Серхио Рамос заедно со Карим Бензема, Марко Асенсио и Марселу го претставија третиот дрес за новата сезона.
Од Adidas велат дека боите на дресот се инспирирани од корените и традицијата на градот Мадрид. Црно-сивиот дизајн кој го краси третиот дрес се однесува на керамичките цигли кои ги има насекаде низ градот.
Воедно, има и тон на розева боја на клупскиот амблем, логото на производителот, името на спонзорот, традиционалните три линии на Adidas, како и бројките и презимето на играчите на задниот дел.
Дресот е веќе пуштен и во продажба.
