Реал Мадрид и Adidas официјално го претставија дресот во кој кралскиот клуб ќе настапува во наредната сезона.
Новиот дрес претставува комбинација на класичниот дизајн со модерни детали, односно комбинација на белата боја со виолетови детали на крагњата, трите линии на Adidas се наоѓаат на рамената, а тука е и логото кое ѝ дава почест на 120-годишнината на Реал. Карактеристика на новиот дрес е и белиот грб кој е „втиснат“ по целиот дрес.
Од Реал истакнуваат дека дресот е направен со еколошки процес од рециклирани материјали и е развиен на основа на HEAT.RDY KEEP COOL технологијата која ја регулира температурата на телото на фудбалерите за време на натпреварот.
