Реал Мадрид на удар за ѓубрето што го оставија на стадионот на Атлетико

Фудбалерите на Реал Мадрид се на удар откако беа објавени снимки од клупата за резерви по натпреварот против Атлетико Мадрид.

Мадридското дерби уште еднаш донесе многу тензија и голема драма. Двомечот во осминафиналето на Лигата на шампионите заврши по продолженија и пенали, а на крајот се радуваа гостите од „Сантјаго Бернабеу“.

За работите да бидат поинтересни, на Атлетико Мадрид му беше поништен еден гол од пенал затоа што Хулијан Алварес двапати ја допре топката при ударот. Ова донесе дополнителни тензии.

Сепак, по натпреварот шпанските медиуми објавија снимки од клупата за резервни играчи на стадионот „Метрополитано“.

Според достапните снимки, клупата на која седеа играчите и стручниот штаб на Реал Мадрид изгледа навистина ужасно. Преполна е со отпад, најмногу шишиња од кои играчите на Реал Мадрид консумирале пијалоци за време на натпреварот.

Ваквите работи дефинитивно не му доликуваат на најтрофејниот и најголемиот клуб.

Инаку, Реал Мадрид во четвртфиналето од Лигата на шампионите ќе игра против Арсенал, а победникот од тој меч ќе се соочи со победникот од мечот Астон Вила - ПСЖ.