Реал Мадрид убедливо го победи Депортиво ла Коруња во 34. коло на Ла Лига со резултат од 6:2. Тренерот одлучи да ги одмори играчите од првата постава, така што во споредба со составот што се соочи со Барселона минатата недела во Ел Класико, на теренот се повторија само Марсело и Начо.
Тоа не ги спречи Реал да запишат голема победа. Во стрелци се вброија: Мората (1'), Хамес Родригез (14' и 66'), Лукас Васкез (44'), Иско (77) и Касемиро (87') кој влезе од клупа.
За домашниот тим стрелци на двата гола беа Андоне во 35 и Хосел во 84. минута.
Со оваа победа Реал Мадрид се изедначи со Барсeлона на врвот на табелата, но Барса е прва поради меѓусебниот резултат.
Охрабрување за Реал е фактот дека има натпревар помалку од лутиот ривал.
