„Сантијаго Бернабеу“ ќе доживее вистинска реконструкција, за која Мадриѓаните се подготвени да вложат повеќе од половина милијарда евра.
Реал Мадрид е најголемиот клуб на светот, но Реал го нема најголемиот стадион дури ниту во Шпанија, а не пак во светот.
„Сантијаго Бернабеу“ е втор по големина во Шпанија, веднаш зад стадионот на Барселона „Камп Ноу“. Меѓутоа, се чини дека луѓето од управата на Кралскиот клуб, сепак, одлучиле да направат нешто по тоа прашање.
Нема да се натпреваруваат со Барселона по капацитетот на стадионот, меѓутоа од „Бернабеу“ ќе направат најмодерен фудбалски објект на светот, поточно ќе вложат милиони во негова модернизација.
Во стадионот, чија последна реконструкција е направена уште во 2011 година, Реал Мадрид ќе вложи вртоглави 525 милиони евра. Со работа треба да се започне веќе следната година, а сите детали се уште не се познати.
Засега е познато дека „Сантијаго Бернабеу“ ќе го промени надворешниот изглед и ќе доби подвижен кров.
Во прилог погледнете како би требало да изгледа овој легендарен стадион:
