Фудбал

Реал на чекор до титулата во Примера (Видео)

18. мај 2017 - 8:46 | Макфакс

Фудбалерите на Реал на „Балаидос“ во Виго ја совладаа Селта со 4:1 и дојдоа на чекор до првата титула во Примера по пауза од пет години.

Двоен стрелец за Реал беше Кристијано Роналдо во 10. и 48. минута, потоа Џон Гуидети намали на 1:2 во 69. минута, но веќе во наредниот напад Карим Бензема му ја врати предноста на Реал од два гола. Конечниот резултат го постави Тони Крос во 88. минута.

Реал во пресрет на последното коло во првенството има три бода предност во однос на Барселона. Во завршното коло Реал ќе гостува во Малага, а Барселона ќе го пречека Еибар. 

Коментирај