На списокот на желби на Кралскиот клуб за наредното лето се наоѓаат два играча на Манчестер Сити,л тврди познатиот шпански медиум.
Како што пишува шпанскиот весник AS, Реал Мадрид наредното лето ќе настојува да го засили својот состав преку носење во Мадрид на Ерлинг Браут Холанд и Жуау Канселу.
Идното лето Португалецот Канселу ќе има 29 години, а неговиот евентуален трансфер би можел да чини помеѓу 40 и 50 милиони евра.
Според AS, латералниот бек Канселу е свесен за интересот на Реал Мадрид за него и не би имал ништо против наредната сезона да го носи дресот на шпанскиот великан. Пред да дојде во Сити играше за Јувентус, Интер, Валенсија и Бенфика.
Норвешкиот гологетер Холанд има откупна клаузула од 180 милиони евра која има важност до летото 2024 година. Се чини дека Реал има намера да ја активира оваа баснословна каузула за да го донесе еден од најдобрите голгетери на денешницата. Според изворот, ниту Норвежанецот не ја има затворено вратата за преселба на „Бернабеу“. Холанд летоска дојде во Сити од Бортусија од Дортмунд, а претходно играше и за Салцбург, Молде и Брине.
Шпанците пишуваат и дека наредното лето Реал Мадрид за трансфери ќе има на располагање буџет од 425 милиони евра.
