Реал Мадрид летово веќе нема да купува нови играчи, освен ако Нејмар не се согласи да дојде на Сантијаго Бернабеу, пишува шпански „Марка“.
Со заминувањето на Кристијано Роналдо во Јувентус со трансфер вреден 110 милиони евра, многумина очекува дека Реал посериозно ќе тргува во летниот преоден рок.
Меѓутоа, Хулен Лопетеги очигледно максимално верува во кадарот што му го остави Зинедин Зидан, со оглед на тоа дека ги донесе само Винициус Жуниор од Фламенго, Куртоа од Челзи и младиот десен бек Алваро Одриозола од Реал Сосиедад.
Европскиот првак, според „Марка“, е подготвен да плати 300 милиони евра само за Нејмар, кој би можел да биде решение за ПСЖ откако УЕФА отвори нов истрага во врска со кршење на финансискиот ферплеј од страна на францускиот клуб.
Наскоро ќе се знае во која насока оди истрагата на УЕФА за ПСЖ, па во Париз и во Мадрид ќе имаат доволно време да реагираат до крајот на преодниот рок што завршува следниот петок.
Ако информациите укажат дека би можело да следи казна, ПСЖ би бил согласен да го продаде Нејмар, кому заминувањето во Мадрид наводно не му се чини како лоша идеја.