Како што денеска пренесуваат медиумите во Германија, Баерн од Минхен повлече драстичен потег во врска со заминувањето на својата најголема ѕвезда во тимот Роберт Левандовски.
Иднината на полскиот напаѓач веќе одамна е предмет на шпекулации, а неколку елитни клубови покажаа интерес за негово доведување во своите редови.
Меѓутоа, новинарот на „ESPN“, Марк Ловел, пренесе нови информации според кои Баерн Минхен е подготвен да го продаде Левандовски, но ако тоа го направи нема да слуша понуди под 200 милиони евра.
Сепак, Реал Мадрид е фаворит за неговиот потпис и е во водство пред ривалите Челзи, Јунајтед и ПСЖ, бидејќи самиот Левандовски преферира трансфер во Кралскиот клуб.
Од друга страна, иако 200 милиони за 29-годишниот Левандовски можеби звучат премногу, знаеме дека Реал има огромна финансиска моќ и дека може да понуди голема сума на пари за полскиот напаѓач.
Според истиот извор, Левандовски е голема желба на Перез кој во него гледа идеална замена за Карим Бензема во врвот на нападот, после неколкуте лоши сезони на Французинот.
Левандовски играше фантастично и во Баерн и Борусија Дортмунд, па можеби и не е изненадување што сака поголем предизвик во друга држава.
