Паметниот телефон Realme Narzo 30 5G веќе пристигна и на европскиот пазар.
Станува збор за првиот мобилен од Narzo серијата кој се појавува на Стариот континент. Сепак, Narzo 30 5G е воглавно идентичен како моделот Realme 8 5G, а единствената разлика се опциите во меморијата и новиот дизајн на задниот панел.
Смартфонот доаѓа со 6,5-инчен LCD екран Full HD+ резолуција и фреквенција на освежување од 90Hz. Го подигнува процесор Dimensity 700 во комбинација со 4 GB RAM и 128 GB внатрешна меморија.
На задниот дел се три камери од кои најдобрата е главната од 48 MP. Останатите две камери со 2 MP незначително придонесуваат при фотографирањето. Предната селфи камера има 16 MP.
Narzo 30 5G е достапен во Racing сина и Racing сребрена боја.
Се напојува преку батерија од 5.000 mAh, а странично е поставен сензор за отисок од прст. Работи на оперативниот систем Android 11.
Овој телефон е достапен единствено како модел со 4 GB RAM и 128 GB внатрешна меморија по цена од 189 евра.