Новиот смартфон на Realme конечно пристигнува на европскиот пазар и ќе се продава по цена од 499 евра. X3 Superzoom најпрвин ќе биде лансиран во Шпанија и Велика Британија, заедно со новите уреди на кинеската компанија - Realme Watch и Realme Band.
Моделот X3 Superzoom има перископски зум објектив кој досега е вграден само на Samsung Galaxy S20 и моделот Oppo Find X2 Pro.
Овој објектив има сензор од осум мегапиксели кој овозможува зголемување до пет пати, заедно со примарната камера од 64 мегапиксели.
Х3 Superzoom има 6,6-инчен екран со резолуција од 1080 пиксели и брзина на освежување од 120 Hz. Од предната страна е селфи камерата од 32 и 8 мегапиксели.
Уредот поседува Snapdragon 855+ процесор и батерија од 4.200 mAh.
Ќе биде достапен во бела и сина боја.