Трансформацијата на актерката Ребел Вилсон ја следеа светските медиуми и нејзините обожаватели на социјалните мрежи. На почетокот на годинава, славната актерка почна со диета, правилна исхрана и активно вежбање.
Таа ослаби 20 кг. Неодамна изјави дека целта ѝ била да ја постигне посакуваната тежина, а тоа се 75 кг во што и успеа. Нејзината трансформација ја следеа скоро 10 милиони обожаватели на Instagram.
„Ја постигнав посакуваната тежина месец дена порано од што се надевав. Иако воопшто не ми беше важна бројката на вагата, туку здравјето, сепак ми требаше некаква допирна мерка за да си зададам цел и тоа беа 75 кг, колку што вагата сега покажува“, објави симпатичната Ребел.
Таа доби многу позитивни и охрабрувачки коментари за нејзината упорност, а за нејзиниот нов изглед заслужен е личниот тренер Џоно Кастано, како и промената на исхраната.
Во неодамнешно интервју, Вилсон зборуваше за еден еден вид позитивна дискриминација со која се соочува, раскажувајќи како режисерите ја сакаат со вишок килограми и дека често добива улоги токму поради нејзиниот изглед. Дури имала и улоги за дополнително да се здебели.
Но, како што вели актерката, здравјето е многу поважно од изгледот и таа сепак е желна за нови актерски предизвици и улоги.