Анте Ребиќ и Милан ги договорија условите за продолжување на соработката, но сега „Росонерите“ треба да ги испеглаат разликите со Ајнтрахт во чија сопственот сѐ уште е Хрватот.
Хрватскиот репрезентативец е на позајмица во Милан до крајот на јуни 2021 година, а сега се договори да потпише и траен договор со миланскиот клуб.
Како што открива Calciomercato, Ребиќ во Милан ќе заработува нешто над 3 милиони евра годишно. Тоа значи дека Хрватот ќе биде еден од најплатените во таботот на црвено-црните.
Ребиќ минатата сезона постигна 11 голови на 26 натпревари во Серија А, а запиша и 3 асистенции. Беше еден од најдобрите играчи во првенството по рестартот летово.
Со бундеслигашот од Франкфурт има важечки договор до 30 јуни 2022 година, а моменталната цена на трансфер пазарот му е 32 милиони евра, според реномираниот Transfermarkt.
