Докопаните подготвени со ротквици е брзо и вкусно јадење, совршено за пролет.
Овој рецепт користи нане, кое долго време се користи во народната медицина, но не без причина. Содржи витамини, минерали, киселини, бета-каротен, влакна, танини и флавоноиди. Листовите од нане и есенцијалното масло се важни суровини за производство на разни лекови. Богато е со манган, бакар и витамин Ц. Има антиоксидантни, антиспазмодични, антибактериски, антивирусни и антигабични својства.
Потребни состојки:
- 1 лажица масло
- 4 пилешки докопани
- 2½ лажички сол
- ½ лажичка бибер
- 340 гр ротквици
- 1 шалот
- 170 гр зелена боранија
- 120 гр замрзнат ситен грашок
- 60 гр бело сирење
- 2 лажици свеж босилок
- 2 лажици свежо нане
Подготовка:
Пред да почнете подгответе ги намирниците. Грашокот одмрзнете го, ротквиците исечете ги на половина, шалотот ситно исечкајте го, исечкајте ја и боранијата, а босилокот и нането ситно исечкајте ги.
Прво ставете решетка во средината на рерната и загрејте ја на 200 степени. Истурете масло во голема огноотпорна тава. Зачинете го пилешкото од двете страни со 2 лажички сол и половина лажичка бибер и наредете го во садот за печење, со кожата надолу. Пржете на средна топлина, 10 до 14 минути. Свртете ги докопаните и пржете уште 1 минута. Префрлете сѐ во чинија.
Во истата тава на силен оган зачинете ги ротквиците со преостанатата 1 лажичка сол и промешајте. Раширете во еден слој, со пресечената страна надолу и пржете околу 5 минути. Додадете го шалотот и измешајте со ротквиците. Пржете мешајќи, додека не замириса, околу 30 секунди.
Додадете ја боранијата и нежно измешајте. Во средината на зеленчукот вметнете ги докопаните со кожата нагоре. Префрлете во рерна и печете 8 до 10 минути. Додадете го грашокот во тавата и продолжете да готвите уште околу 5 минути. Во чинија наредете ги пилешкото и зеленчукот. Посипете со сирење, босилек и нане.
