Предлог за денешниот ручек.
Состојки:
За тестото:
250 гр брашно,
120 гр путер,
2 лажици кисела павлака,
1 јајце
За полнење:
1 пилешко филе со средна големина,
1 кромид,
2 лажици конзервирана пченка,
1 лажичка мешавина од суви зачини
За прелив:
3 јајца,
1/2 чаша кисела павлака,
50 гр рендан Трапист
Подготовка:
Измешајте ги состојките за тестото, убаво замесете и оставете го во фрижидер најмалку половина час. Пилешкото филе исечкајте го на коцки, ситно исечкајте го кромидот. Загрејте го маслото, пропржете го кромидот, па кога ќе порумени, додадете го пилешкото филе и пропржете го врз кромидот. Кога пилешкото е готово, додадете ја пченката и измешајте. Кога тестото ќе одмори, расукајте го со дебелина од околу два сантиметри, па распоредете го на тркалезен плех. Пред тоа, намачкајте го и набрашнете го листот или ставете хартија за печење. Загрејте ја рерната на 200 степени Целзиусови и печете го тестото околу десет минути. Извадете го тестото од рерна и врз него рамномерно распоредете го филот. Изматете ги состојките за преливот, прелијте го филот, посипете со рендано сирење и печете на 200 степени Целзиусови додека кишот не порумени.