Одлична идеја за ручек со пилешко, зеленчук и пармезан.
Потребни состојки:
-2 лажици масло
-100 г црвен кромид
-2 чешни лук
-200 г ориз
-500 мл врела вода
-1 кокошкина коцка за супа
-100 г грашок
-120 г морков
-2 лажици маслиново масло
-600 г пилешко бело месо
-сол, бибер
-50 г рендан пармезан
Начин на подготовка:
На загреано масло ставете да се испржат кромидот и лукот, па додадете го оризот и мешајте околу две минути. Во врелата вода додадете ја коцката супа и со истата прелијте го оризот, па додадете ги грашокот и морковот.
Пилешкото месо исечете го на помали парчиња и пржете го на загреано маслиново масло, додека не добие златесто жолта боја. Во огноотпорен сад ставете го оризот со зеленчукот. На површината распоредете го пилешкото месо и прекријте со фолија. По желна додадете уште зачини.
Печете во загреана рерна на 180 степени околу 35 минути. потоа извадете ја фолијата, наросете рендан пармезан и вратете уште малку да се запече.
Послужете со вашата омилена салата.