Најбрзата пита готова за 15-20 минути.
Потребни состојки:
450 гр готови кори
300-350 гр сирење
4 јајца
½ шолја кисела вода
1/3 шолја масло
1 лажичка печиво или сода
Начин на подготовка:
Јајцата измешајте ги со сирењето, а во намрсено тава или на хартија за печење ставајте по 2 кори, една врз друга(цели или искршени). Попрскајте ги со 3-4 лажици од киселата вода измешана со маслото и печивото, па ставете неколку лажици од филот. Повторете ја постапката додека да ги искористите сите кори и целиот фил. Одозгора попрскајте ја целата пита со течноста или премачкајте со јајце. Наросете сусам или семки по избор. Печете во рерна на 180-200 степени околу 15 минути или додека да добие златно-кафеава боја.
Питава е многу брза за правење, можете да ставите фил по желба, супер е за доручек, ручек или брзи ненајавени гости.
