Кроштула е традиционален хрватски десерт со потекло од Далмација и Истра. Тоа е пржено тесто кое се посипува со шеќер во прав. Вкусот е сличен на крофните, но подготовката е поедноставна.
Постојат различни верзии на овој рецепт, па можете да користите и сок од лимон и портокал за поспецифичен вкус. Исто така, ако сакате тестото да впие помалку масло при пржењето, додадете алкохол во тестото.
Потребни состојки:
- 500 гр брашно
- 3 јајца
- 3 лажици шеќер
- 3 лажици масло
- 3 лажици јаболков оцет
- прстофат сол
- масло
- шеќер во прав за посипување
- 3 лажици ракија (се препорачува лозова)
Подготовка:
Јајцата се матат и се додаваат шеќерот, јаболковиот оцет, маслото и солта и повторно се матат. Доколку планирате да користите алкохол, веднаш додајте го со останатите состојки.
После тоа додадете го брашното. Треба да имате цврсто, нелепливо тесто. Ако тестото е лепливо, додадете уште брашно. Потоа ставете го во сад и покријте го со крпа околу 10 минути. Добро замесете го тестото и развлечете го на дебелина од половина сантиметар.
Можете да го исечете на квадрати со тенок прорез во средината или едноставно да го исечете на ленти. Додека ги сечете лентите, загрејте голема количина масло во тава или тенџере на средна топлина. Пропржете го тестото додека не порумени, а потоа посипете со шеќер во прав додека сѐ уште се топли.
