Пилешката супа одамна е позната како домашен лек за настинка и грип. Но дали навистина помага или е само стар мит? Најновите научни истражувања покажуваат дека пилешката супа навистина има лековити својства кои можат да ги ублажат симптомите на настинка и да го забрзаат закрепнувањето.
Истражувачите од Универзитетот во Небраска откриле дека пилешката супа има антиинфламаторно дејство. Тоа значи дека може да ја намали воспалителната реакција во горните дишни патишта, која е причина за типичните симптоми на настинка како затнат нос и кашлица.
Д-р Стивен Ренард, кој го водел ова истражување, објаснува дека супата ја инхибира способноста на белите крвни клетки наречени неутрофили да патуваат до воспаленото ткиво. Со тоа се намалува воспалението и се ублажуваат симптомите.
Друго истражување покажало дека пилешката супа е поефикасна од топлата вода во зголемувањето на движењето на носната слуз. Ова помага во чистењето на носните патишта и олеснување на дишењето.
Варењето на пилешките коски со часови е клучно за извлекување на важни минерали како цинк, калциум, фосфор и магнезиум. Овие минерали се важни за правилно функционирање на имунолошкиот систем.
Пилешкото месо е богато со аминокиселината цистеин, која помага во разредување на секретите во дишните патишта. Ова дополнително го олеснува дишењето и го забрзува закрепнувањето.
За максимален ефект, во супата треба да се додадат:
Лук - содржи алицин кој ги намалува воспалителните реакции
Моркови, целер и кромид - богати со антиоксиданси
Пашканат - одличен извор на калиум кој се губи при дехидрација
Црн бибер, ѓумбир, цимет и други зачини - ги засилуваат ефектите на цистеинот
Состојки:
1/2 свежо пиле
2 литри вода
1 главица лук
1 главица кромид
5-6 моркови, исечкани
3 гранчиња целер + 2 круга од коренестиот дел
1 пашканат
1 тиквичка
1/2 китка магдонос
8 чешниња лук, излупени
Зачини по вкус: сол, црн бибер, ловорови листови, мелен ѓумбир, цимет
Подготовка:
Ставете го пилето да се вари во тенџере со 2 литри ладна вода.
Додадете ги кромидот, морковите, целерот, пашканатот и лукот.
Додадете ги зачините.
Ставете да се вари на средна температура околу 1 час, или додека месото убаво не омекне.
Извадете го пилето и отстранете го месото од коските. Со виљушка расцепкајте го и вратете го месото во супата, а коските тргнете ги на страна.
Ставете ја супа повторно да зоврие, додадете ја тиквичката.
Варете уште 10-15 минути.
На крај додадете го сечканиот магдонос.
Покрај директните ефекти врз симптомите на настинка, пилешката супа нуди и други придобивки:
Хидратација - течноста помага во надоместување на изгубените течности
Протеини - неопходни за производство на антитела
Витамини и минерали - ги зајакнуваат имунолошките функции
Лесна сварливост - идеална за болни со намален апетит
Иако пилешката супа не е чудотворен лек, научните докази потврдуваат дека навистина може да помогне во борбата против настинка. Нејзините состојки дејствуваат синергистички за да го намалат воспалението, да ги олеснат симптомите и да го забрзаат закрепнувањето.
Следниот пат кога ќе ве фати настинка, не двоумете се да посегнете по чинија топла, домашна пилешка супа. Вашето тело ќе ви биде благодарно!
