Меган Маркл повторно ја подели публиката, но овој пат со нејзиниот начин на готвење тестенини.
Меган Маркл се врати на нашите екрани со нејзината сосема нова серија на Netflix „Meghan With Love“. Ова шоу е комбинација од начин на живот, храна и расположени приказни, бидејќи Меган ја споделува нејзината љубов кон едноставното, хранливо домашно готвење.
Во една од првите епизоди, таа претстави рецепт за тестенини кој брзо станаа омилен на фановите.
Овој рецепт привлече големо внимание на интернет поради начинот на подготовка на тестенините. Имено, наместо класичниот начин на варење на тестенините во поголема количина вода, таа ги поли сировите тестенини со три шолји врела вода од бокал, ги покри и ги остави да се сварат заедно со останатите состојки.
Реакциите на социјалните мрежи по објавувањето на овој рецепт беа поделени - некои го критикуваа начинот на подготовка, додека други ја пофалија идејата за брз и здрав оброк. Без разлика на мислењата, Меган успеа повторно да предизвика контроверзии – овој пат во кујната.
Потребни состојки:
- 400 г чери домати
- 2 чешниња лук
- 3 лажици маслиново масло
- 2 лажички сол
- 300 гр фетучини (или други тестенини)
- врела вода
- 1 лажица коцка зеленчукова супа (по избор)
- 300 гр листови спанаќ
- грст рукола
- ½ чаша пармезан
- малку кора од лимон
Подготовка:
Во длабока тава ставете ги преполовените чери домати и сечканиот лук. Посипете со маслиново масло и посололете. Ставете ги фетучините врз зеленчукот. Доколку користите сува коцка за супа, растворете ја во чаша врела вода и прелијте ја над тестенините. одозгора изрендајте малку кора од лимон. Додадете уште врела вода додека тестенините не се покријат, покријте и варете на висока температура 6 минути. Отстранете го капакот, измешајте ги тестенините за да се одвојат, а потоа вмешајте ги спанаќот и руколата додека не омекнат. Додадете го ренданиот пармезан и продолжете со варењето додека тестенините не омекнат.
