Американскиот производител на електрични автомобили Tesla повлече од пазарот 2.431 примерок од моделот Cybertruck поради дефект, јавува новинската агенција Anadolu.
Во соопштението за печатот од американската Национална управа за безбедност на сообраќајот на патиштата (NHTSA), беше наведено дека возилата Cybertruck произведени помеѓу 6 ноември 2023 и 30 јули 2024 година биле повлечени од пазарот за да се поправи дефект на инверторот.
Ова е шести пат годинава Tesla да повлекува возила.
Во октомври, Tesla соопшти дека ќе повлече повеќе од 27.000 Cybertruck возила во САД поради проблеми со камерата за возење во рикверц.
