Брендот RedMagic прима нарачки за својот нов смартфон со назив RedMagic 5G кој воедно е првиот смартфон со фреквенција на освежување на екранот од 144Hz.
Оваа фреквенција на освежување е карактеристична за мониторите кои се наменети за компјутери за гејмери.
RedMagic 5G има голем 6,65-инчен OLED екран со резолуција од 1080p, а смартфонот изгледа дека е поголем поради тенките рабови на горната и долната страна.
Смартфонот поседува Qualcomm Snapdragon 865 процесор, поддржува 5G мрежа, има до 12 GB LPDDR5 RAM и 256 GB интерна меморија, а го користи оперативниот систем Android 10. Го напојува батерија од 4.500 mAh која поддржува брзо полнење.
На задната страна се сместени 3 камери со Sony сензорот IMX686 од 64 MP.
Смартфонот е одличен за гејминг бидејќи има течно ладење и турбо вентилатор.
Моделот со 8GB RAM и 128 GB интерна меморија чини 579 долари, додека за верзијата од 12 GB RAM и 256 GB интерна меморија е потребно да се издвојат 649 долари. Смартфонот ќе биде достапен и во Европа.