Редок стрип во кој за првпат се појави ликот на Супермен е продаден за 3,25 милиони долари.
Оваа сума покажува дека изданието Action Comics #1, кое во 1938 година се продавало за 10 центи, сега е најскапиот стрип во светот. Аукциската куќа ComicConnect наведе дека стрипот е во одлична состојба.
Во него е прикажана приказната за потеклото на Супермен и се смета за почеток на жанрот за суперхерои. Раскажува за тоа како Супермен пристигнал на Земјата од друга планета и станал Кларк Кент.
Се верува дека во светот постојат околу 100 примероци од овој стрип, а овој конкретен примерок е пронајден меѓу стари филмски магазини од триесеттите години на минатиот век.
Купувачот е анонимен и релативно „почетник во инвестирање во стрипови“.
