Реге-Жан Пејџ, кој го играше Сајмон Басет во првата сезона на популарната серија Bridgerton на Netflix, е прогласен за најубав маж во светот.
Козметичкиот хирург Џулијан Де Силва ги откри резултатите според „златниот сооднос“ - Пејџ беше јасен победник. Неговото лице има прецизност од 93,65 проценти според златниот сооднос.
На второ место е Крис Хемсворт со 93,53 отсто, додека Мајкл Б. Џордан е трет со 93,46 отсто.
„Реге победи поради неговото класично згодно лице и убави кафеави очи. Тој лесно доби највисока оценка за растојание помеѓу очите, а и поставеноста на очите кај него исто така беше високо оценета. Неговите совршено обликувани усни исто така постигнаа високи резултати и единствениот резултат што беше малку понизок беше ширината и должината на неговиот нос“, рече Де Силва.
Резултатот се заснова на компјутеризирано мапирање на мерењата на физичкото совршенство врз основа на златниот пресек и го одредува физичкото совршенство на едно лице. Колку лицето е поблиску до соодносот 1:1.618, толку е посовршено.
Де Силва рече: „Овие целосно нови техники на компјутерско мапирање ни овозможуваат да решиме некои од мистериите за тоа што некого го прави физички убав, а технологијата е корисна при планирање операции на пациентите“.
Според пресметките на Де Силва, Хари Стајлс е на четвртото место со 92,3 отсто, англискиот фудбалер Џуд Белингам е петти со 92,22 отсто, а шести е Роберт Патинсон со 92,15 отсто. Да потсетиме, Патинсон летово по истата формула беше прогласен за најубав маж во светот.
Листата продолжи со Крис Еванс на седмото, Џорџ Клуни на осмото, Хенри Голдинг на деветтото и Двејн Џонсон на последното место.
