Министерството за здравство соопшти дека во последните 24 часа се направени 1.227 тестирања, а регистрирани се 156 нови случаи на COVID-19.
По градови, новите заболени се од:
- Скопје 100
- Куманово 11
- Дебар 1
- Штип 6
- Прилеп 1
- Тетово 19
- Струга 2
- Велес 6
- Битола 1
- Охрид 1
- Кавадарци 1
- Гостивар 1
- Гевгелија 1
- Кочани 3
- Кратово 1
- Свети Николе 1
Починати се 6 лица, четворица пациенти од Скопје и двајца од Тетово. На Клиниката за инфективни болести и фебрилни состојби починати се 2 лица од Скопје, пациентка на 70 години, хоспитализирана на 16 јуни и пациентка на 76 години, од 10 јуни на Клиниката.
На Клиниката за нефрологија почината е пациентка од Скопје на 74 години и на Институтот за белодробни заболувања и ТБЦ почината е пациентка од Скопје исто така на возраст од 74 години.
Во ГОБ „8 септември“ почина пациентка од Тетово на 66 години, примена во болницата на 14 јуни. Во КБ Тетово почина пациент на возраст од 71 година, хоспитализиран на 16 јуни.
Денеска Институтот за јавно здравје регистрира 27 оздравени пациенти.
- Скопје 10
- Штип 3
- Тетово 10
- Велес 1
- Битола 1
- Неготино 2
На Инфективната клиника во изминативе 24 часа примени се 13 пациенти. Вкупно се хоспитализирани 99 пациенти. На кислородна поддршка се 46 пациенти, нема пациенти на механичка вентилација. До утрово, во ГОБ „8 Септември“ примени се 16 нови, а вкупно хоспитализирани 126 пациент. На респираторна машина се седум, a со потешка клиничка слика се уште 36 пациенти. Во болницата во Битола се хоспитализирани 30 пациенти, а во болницата во Штип 19 пациенти. На инфективните одделенија во Тетово, Охрид, Велес, Куманово и Прилеп се хоспитализирани 72 пациенти – позитивни и сомнителни на COVID-19, информираа од Министерството за здравство.
Досега во земјата се направени вкупно 49.020 тестирање на COVID-19. Во рамките на скринингот се направени 31 тестирања во градинки во Штип, нема позитивен резултат на COVID-19.
Вкупната бројка на ковид дијагностицирани во нашата земја од почетокот на епидемијата изнесува 4.820, бројката на оздравени пациенти е 1.863, на починати е 222, а во моментов бројот на активни случаи во земјата изнесува 2.735.
