Рекордни дневни бројки на заразени на Балканот, најмногу кај нас и во Србија

Ширум Балканот станува алармантна ситуацијата со пандемијата на COVID-19.

Во неколку земји се забележани рекордни дневни бројки на заразени регистрирани од почетокот на пандемијата, а расте и бројот на тешки и смртни случаи од COVID-19.

Министерството за здравство на Република Северна Македонија соопшти дека во последните 24 часа се направени 1.728 тестирања, а регистрирани се 205 нови случаи на COVID-19. Досега во земјата се направени вкупно 74.562 тестирања на COVID-19. Вкупната бројка на ковид дијагностицирани во нашата земја од почетокот на епидемијата изнесува 7.777, бројката на оздравени пациенти е 3.960, на починати е 368, а во моментов бројот на активни случаи во земјата изнесува 3.449.

Во Србија денеска се потврдени 386 заразени и 18 починати лица од новиот коронавирус, изјави српската премиерка Ана Брнабиќ, додавајќи дека резултатите од протестите ќе се видат во следните денови.

„Денеска е најлош ден од почетокот на борбата против коронавирусот, и поради тоа сакав лично да им се обратам на граѓаните. Во изминатите 24 часа починаа 18 луѓе, 130 се наоѓаат на респираторни машини и од 8.646 тестирани имаме 386 новозаразени лица. Најкритично е во Белград, а потоа следуваат Шабац, Крагуевац и Нови Пазар“, истакна премиерката.

Според неа, ова е резултат на недисциплината од пред пет-шест дена, а резултатите од протестите ќе се видат за три-четири дена.

Меѓу 150 и 200 Ковид пациенти во Белград дневно имаат потреба од болничко лекување, а од тоа, 10 отсто се за прием на Одделите за интензивна нега, изјави денеска директорот на белградската Клиника за инфективни и тропски болести Горан Стевановиќ.

Пред новинарите во Белград тој изјави дека сега во болниците пристигнуваат пациенти со потешка клиничка слика, чие лекување трае подолго. Стевановиќ вели дека здравствените установи во Белград на дневно ниво од болница отпуштаат по 60 до 70 пациенти, а дневно примаат меѓу 150 и 200, што значи дека српската престолнина секој ден е во недостиг на нови близу 100 места во ковид болниците.

Лабораторијата на Институтот за јавно здравје на Црна Гора анализирала 468 примероци од кои 58 биле позитивни на новиот коронавирус.

„Во Црна Гора имаме сериозна ситуација, со сериозен број на заболени“, изјави директорот на Институтот за јавно здравје и член на Националното координативно тело, Бобан Мугоша.

Тој истакна дека таквата ситуација е очекувана по епидемиолошкото „затишје“.

Од почетокот на јуни вкупниот број на регистрирани случаи изнесува 753, а потврдени се 10 починати лица. Бројот на моментно активните случаи е 733 луѓе.

Во изминатите 24 часа во Грција регистриран е зголемен број позитивни случаи на COVID-19, од кои повеќето кај туристи.

Националната организација за јавно здравје на Грција, соопшти за 60 новозаболени лица, од кои 40 се по направените тестови на влезните точки во земјата, со што бројот на заразени се зголеми на 3.732 лица.

Во последното деноноќие во Албанија регистриран е нов негативен рекорд во однос на бројот на новозаразени со COVID-19.

„Од направените 420 тестови, позитивен резултат е добиен кај 90 лица, што е највисока бројка во едно деноноќие досега. Меѓу новозаразените е и косовски граѓанин кој бил на одмор во Драч. Истовремено, излекувани се 43, а починаа две лица, соопшти Министерството за здравство и социјална заштита.

Од 9 март кога беа регистрирани првите два случаја кај татко и син, кои се вратиле од Италија, досега направени се 3.513 тестови, позитивен резултат е добиен кај 3.278, закрепнале 1.875, а починале 85 луѓе.

Активни на болеста се 1.318, од нив 81 се хоспитализирани на Инфективната клиника во Тирана, од нив 11 се наоѓаат во серозна, а петмина во многу тешка здравствена состојба.

Поради зголеменот тренд на лица кои треба болнички да се лекуваат, највено е отворање на уште една ковид-болница, додека по предлог на Комитетот на експерти за справување со пандемијата, Владата се очекува да донесе одлука со која носењето заштитна маска ќе биде задолжително, а ќе се воведе и парична казна за оние кои не ја почитуваат мерката за носење маски. вт

Во Хрватска денеска се регистрирани 116 новозразени со COVID-19, што е најголемо дневно зголемување од почетокот на епидемијата и воедно, првпат бројот на новодијгностицирани е троцифрен. Бројот на активни случаи во земјата изнесува 1.038, соопшти Кризниот штаб.

По средбата со научниот совет и Штабот за цивилна заштита во Владата, хрватскиот министер за здравство Вили Берош рече дека сега се разгледуваат многу мерки, но и многу построги услови за влез во земјата. Тој рече дека се размислува и за задолжително носење маски во одредени продавници или угостителски објекти, но дека сето тоа детално ќе биде објавено во текот на денот.

реклама

Со едноставен водоводџиски трик ослободете се од смрдеата од одводот

Read more

Трик со омекнувачот за облеката да мириса убаво и до седум дена

Read more

Како е поврзано пиењето кафе со ракот на дебело црево?

Read more

Во која храна ги има трите минерали најважни за тироидната жлезда?

Read more

Регион

Трет ден се трага по Данка, се проверуваат телефоните на родителите

Read more

Исчезна двегодишно девојче во Србија, активиран е системот „Најди ме“

Read more

Српската опозиција објави некролог за Вучиќ

Read more

Вучиќ: Србија може да го напушти Советот на Европа откако беше примено Косово

Read more
 

Вести

Во Франција за Велигден ќе биде распоредена полиција пред секоја црква

Читај повеќе

Расправија за паркинг во Аеродром прераснала во голема тепачка

Читај повеќе

Се степале вработени во болница во Карпош

Читај повеќе

Дарко Лукиќ од 1 јули е новиот извршен директор на Групацијата Нелт

Читај повеќе

Ванковска: Преспанскиот и бугарскиот договор се колонизаторски договори

Читај повеќе

Тошковски: Приведен е и трет осомничен во врска со убиството на лекарот во Железара

Читај повеќе

Синоним за престиж – Шпаркасе Банка ја претстави новата дебитна картичка Visa Platinum

Читај повеќе

Странските компании загубија 107 милијарди долари со повлекувањето од Русија

Читај повеќе

Пет сценарија како Франција може да се вмеша во војната во Украина

Читај повеќе