Ремонт во Милан: Кој потфрли, кој останува да ги брани „Росонерите“?

Шведската фудбалска ѕвезда Златан Ибрахимовиќ и челниците на италијанскиот великан Милан постигнаа договор за продолжување на соработката за уште една сезона, додека е под знак прашалник дали поранешниот хрватски репрезентативец Марио Манџукиќ ќе остане на „Сан Сиро“.

Според италијанските медиуми, Ибрахимовиќ и Милан постигнале договор според кој шведскиот напаѓач треба да остане на „Сан Сиро“ до јуни 2022 година. Sky Sport Italia наведува дека вредноста на договорот е околу седум милиони евра, вклучително и бонуси, а договорот треба да биде потпишан во следните 10 дена.

Ибрахимовиќ се очекува да добие 6,5 милиони евра, плус дополнителни 500.000 евра во случај „Росонерите“ да се пласираат во Лигата на шампионите.

Сепак, судбината на поранешниот хрватски репрезентативец Марио Манџукиќ е неизвесна. Дел од медиумите објавија дека е малку веројатно дека Милан ќе му понуди договор на Манџукиќ за следната сезона.

Манџукиќ пристигна како слободен агент за време на јануарскиот преоден рок, но досега одигра само 158 минути. Од можни 16 натпревари, тој настапи само на пет, а само на еден започна од првата минута. Сепак, причина за тоа се и двете повреди што ги имаше.

„Манџукиќ има девет натпревари да се бори за својата иднина во Милано“, тврди Sky.

Во неодамнешното интервју за La Gazetta dello Sport, селекторот на хрватската репрезентација, Златко Далиќ, изјави дека Манџукиќ се опоравил и дека е подготвен да му помогне на клубот од Милано.

„Манџукиќ победуваше каде и да играше, а сега се опорави и е подготвен да му помогне на Милан. Сепак, никој не треба да очекува од него да игра како што играше порано“, изјави хрватскиот селектор.

Искусниот спортски новинар Николо Шира вчера на Twitter објави дека Милан нема да го продолжи четиримесечниот договор со Манџукиќ кој завршува на крајот на мај.

„‘Росонерите’ имаат опција да го продолжат договорот до летото 2022 година, но нема да го направат тоа затоа што техничкиот директор Паоло Малдини и спортскиот директор Фредерик Масара не се задоволни од Хрватот“, напиша тој.

Не е јасно дали турскиот играч за врска Хакан Чалханолу ќе остане на „Сан Сиро“. Медиумите наведуваат дека преговорите се во застој и се шпекулира дека Чалханолу може да го напушти клубот без обештетување ова лето и да се пресели во Јувентус.

Играчот наводно сака пет милиони евра годишно, за што Милан не се согласува.

Италијанците наведуваат дека исходот на ситуацијата го следат англиските гиганти Арсенал и Челси, кои би можеле да се вклучат во ловот на Чалханолу.

И Алесио Ромањоли, 26-годишниот стопер на Милан, наводно ја одбил последната понуда за продолжување на договорот со „Росонерите“.

Договорот на италијанскиот дефанзивец истекува во 2022 година, а неговиот менаџер Мино Рајола е во потрага по нов договор кој на неговиот клиент би му донел шест милиони евра годишно, што е приближно двојно поголема од платата што ја зема според актуелниот договор.

La Gazzetta dello Sport наведува дека и во случај да не се постигне договор, Ромањоли нема причина за загриженост. Барселона е заинтересирана за него, како и големиот ривал на Милан, Јувентус. Проценката е дека отштетата би можело да изнесува околу 20 милиони евра.

реклама

Зошто треба да ставите алуминиумска фолија зад рутерот?

Read more

Голем месечен хороскоп за април 2024: Ретрограден Меркур им ги мрси конците на неколку знаци

Read more

Едноставен и брз метод: Белите патики повторно ќе изгледаат како нови

Read more

Како е поврзано пиењето кафе со ракот на дебело црево?

Read more

Фудбал

Калафјори: Татко ми го презира Јувентус, а јас го почитувам татко ми

Read more

Тонали е вистински зависник: Се обложувал и во Англија, намерно добил жолт картон

Read more

Ливерпул се откажа од Алонсо, Клоп ќе го наследи Рубен Аморим

Read more

Милан сака да се засили со братот на Турам

Read more
 

Спорт

Калафјори: Татко ми го презира Јувентус, а јас го почитувам татко ми

Читај повеќе

Герасимовски: Конечно, Работнички се враќа на шампионските патеки

Читај повеќе
  • play_arrow

Тонали е вистински зависник: Се обложувал и во Англија, намерно добил жолт картон

Читај повеќе
  • play_arrow

Лидерот Бостон падна во Атланта, го средија Мареј и Богдановиќ

Читај повеќе
  • play_arrow

Димитров го растури Алкарас во Мајами

Читај повеќе

Ливерпул се откажа од Алонсо, Клоп ќе го наследи Рубен Аморим

Читај повеќе

Милан сака да се засили со братот на Турам

Читај повеќе

Се побуни и Николов: Разочаран сум поради односот на селекторот Милевски

Читај повеќе

Канаваро: Наполи би го водел бесплатно, ама Де Лаурентис не ме бара

Читај повеќе