Брендовите кои работат во рамките на компанијата Renault ќе изложат дури шест новитети на саемот за автомобили во Париз, кој започнува на 17 октомври.
Меѓу најавените премиери ќе биде и концептот Alpine, кој најавува „нова фаза во трансформацијата на брендот“, се вели во најавата. Сериската верзија на овој автомобил ќе пристигне во 2025 година.
Во Париз ќе дебитира и возобновениот легендарен модел Renault 4. Компанијата објави дека овојпат се работи за електричен модел.
Освен употребата на електричен погон, нема достапни детали за новата „четворка“. За потсетување, оригиналот беше еден од најпродаваните модели во своето време, со над осум милиони примероци произведени помеѓу 1961 и раните 90-ти.
Во Париз ќе има и нова верзија на модерниот концепт Renault 5. Оригиналниот концепт на ова возило е од јануари 2021 година, но се шпекулира дека новата варијанта би можело да биде поинаква.
Renault во Париз ќе го дебитира и електричното комбе Kangoo E-Tech.
Таму ќе бидат и електричните Megane E-Tech и Austral E-Tech хибрид.