Фудбалерите на Ренова со два убави гола го совладаа директниот конкурент за опстанок, Силекс, освојувајќи важни три бода.
На празниот „Градски“ стадион во Тетово домашните играчи уште во 12. минута ја најавија победата. Шефит Шефити прими една топка во гостинскиот шестнеасетник и со прецизен удар крај поблиската статива ја протна топката во мрежата на Даниел Божиновски.
Во 38. минута на 2:0 зголеми Фатјон Јусуфи кој со прекрасен шут од дваесетина метри биеше неодбранливо дуплирајќи го водството.
Силекс успеа предоцна да се врати во игра кога дури во последната минута од натпревар една одбиена топка начека Иван Галевски и погоди во домашниот гол за 2:1. Сепак, касно беше за кратовци и натпреварот заврши со домашна победа.
За Ренова ова е седма победа сезонава за вкупно 31 бод со кои го надмина Силекс кој со 15-тиот пораз остана на 29 бодови.
Останатите натпревари од ова 28. коло се на програмата утре од 13 часот, а од дуелот меѓу Работнички и Македонија ЃП директен пренос ќе врши МРТ1.