Фудбалскиот тим на Вардар има нов член на подготовките во Анталија, кој откако ќе ги помине пробите ќе биде проценет дали заслужува договор со најголемиот македонски клуб. Станува збор за поранешниот играч на Монако и Динамо Киев, Лукман Абдулхаким Харуна.
Лукман Харуна е повремен репрезентативец на Нигерија кој кариерата ја започна во Монако.
Дваесетиседумгодишниот Харуна играше во Динамо Киев заедно со сегашниот фудбалер на ФК Вардар, Горан Попов, каде заедно освоија еден Куп на Украина и еден Суперкуп на Украина.
Нигерискиот фудбалер веќе се приклучи на фудбалерите на ФК Вардар во Анталија и во следниве денови стручниот штаб ќе може да ги види неговите квалитети, пред да биде донесена одлука дали ќе биде ангажиран од скопскиот тим.