Живот

Решена мистеријата за нуклеарната бомба среде океан

14. септември 2018 - 14:30 | Б.С.Б.

Тестирањето нуклеарно оружје ретко може да помине незабележано, па така ниту експеримент кој се случил пред 40 години не може да остане заборавен. За сè се виновни радиокативни овци откриени во Австралија.

Станува збор за мистериозен настан од 1979 година, детонација на атомска бомба забележана од американски сателити. Порастот на радиоактивноста кај овци е потврда дека тоа навистина се случило, иако никој јавно не признал за нуклеарното тестирање.

Во 1979 година Сателитот Вела, дел од системот Nuclear Detonation Detection System детектирал својства карактеристични на нуклеарно оружје. Со оглед на тоа што нуклеарните бомби произведуваат два типични удари, вториот блесок е едвај забележителен за човечкото око, но не и на уредите дизајнирани за детекција, пишува Popular Mechanics.

Собраните податоци од сателитот дошле и до рацете на Џими Картер. Со оглед на тоа дека тестирањето е извршено во зафрлена област меѓу Антарктикот и јужниот врв на Јужна Америка, исклучена е можноста дека станува збор за непријателски чин. Никој не ја презел одговорноста. Картер верувал дека експлозијата била заедничка акција на Израел и Јужна Африка и нивно тестирање на нуклеарна бомба.

Во експлозијата во Индиски Океан биле користени бомби од два до три килотони. И понатаму нема потврда чии бомби биле тоа. Нова студија од 2017 година направена од Универзитетот Тенеси открива дека во тироидната жлезда на австралиски овци бил пронајден радиокативен јод 131. Метеоролошките податоци потврдуваат дека во тој период над Јужна Австралија имало радиоактивност.

Најновата студија тврди дека станува збор за нуклеарен тест на тактичко оружје, извршен од Израел. Тестирањето би можело да биде обид за развој на нивен одбранбен механизам со оглед на тоа што во 1973 година Израел едвај ги запрел нападите на арапските сили од воздух и од копно. На крај, кој и да експериментирал во овој дел од светот добро се потрудил тоа да остане тајна, но овците им го расипале планот.

Коментирај