Германскиот фудбалски сојуз (DFB) ќе им овозможи на трансродовите спортисти да изберат во кое натпреварување ќе се натпреваруваат, во машка или женска конкуренција.
Проблемите со трансродовите спортисти беа во центарот на вниманието на јавноста во последните недели. Големо внимание привлече примерот на Леа Томас, американска пливачка која соборува рекорди во женска конкуренција и е родена како маж.
На крајот, Светската пливачка организација (FINA) одлучи да им забрани на трансродовите лица да се натпреваруваат во женска конкуренција.
Но, Фудбалскиот сојуз на Германија донесе револуционерна одлука. Луѓето кои го промениле полот можат да изберат во кое натпреварување ќе играат, Бундеслигата за жени или мажи.
DFB вчера донесе одлука дека фудбалерите нема да бидат обврзани со личните податоци за идентификација како што се изводите на родени. Така, фудбалерите ќе настапуваат под граѓански статус „различни“ или „неодредено“ и ќе можат да се натпреваруваат во кое натпреварување сакаат.
„Ова важи и за трансродовите играчи кои сега можат да ја променат својата одлука во секое време или да останат во тимот за кој играле претходно. Сè додека спортската активност не влијае на здравјето на една личност додека зема лекови, едно лице може да учествува во фудбалски натпревар“, велат од Фудбалскиот сојуз на Германија.
Правилата ќе стапат на сила од стартот на новата сезона.
