Бројни промени на правилата во тенисот ќе бидат тестирани во ноември, после што ќе знаеме како ќе изгледа овој спорт официјално во иднина.
Значи, сетовите ќе се играат на четири добиени гејма, ќе се укине и „предноста“ после 40:40, ќе биде овозможена и консултација со тренери, а изминатиов викенд беше најавена и нова промена на правилата, можеби и најизвесна од сите наведени.
Имено, целта е тенисот во иднина да се игра без линиски судии околу теренот, туку само со главен судија. Работата која со децении наназад ја вршеа линиските судии би требало во потполност да ја замени hock- eye системот.
Овој систем веќе се применува, но само во поединечни моменти, кога играчите ќе побараат challenge, а во иднина би требало одлуката за секој одигран поен да ја донесе токму овој систем.
Оваа информација ја потврдфи и Дејвид Бредшо, задолжен за правилниците и натпреварувањето во ATP.
„Ова би можело да биде историски момент за судењето во тенисот. Ќе ги следиме резултатите и ќе се обидеме да ги подобриме евентуалните недостатоци“, изјави Бредшо.